Gonagorri Haur eta Gazte Literatura Podcasta
Gonagorri Podcastak gazteak eta haiekin lanean ari diren bitartekariak ditu jomugan. 2021eko maiatzean abiatu zen Galtzagorriren soinu abentura eta, ordutik, hilabetero atal berriak argitaratu dira.
Podcastaren saio guztiek egitura berbera daukate. Lehenik eta behin, Miriam Luki kazetariak gidatuko ditu bertako elkarrizketa eta erreportaje nagusiak. Ondoren, kontaketari eskainitako atala dago, zeinetan kontalari ezberdinek parte hartuko duten. Azkenik, Lore Agirrezabalek egindako liburu-gomendioek amaiera emanen diote podcast bakoitzari.
Esan bezala, Gonagorrin Gazte Literaturari arreta berezia eskaintzen zaio eta honako hauek dira, momentuz, mundu horri lotuen egon diren atalak:
- Sexua gazte literaturan: nor dago deseroso?
- Zergatik ez dugu asmatzen gazte literaturarekin?
- Komikia literatur generoa da.
- Gonagorri zuzenean (irakurle esperientziak partekatzen).
- Haur eta gazte literatura genero ikuspegiaren leihotik.
Atal bakoitzaren ilustrazioa: Concetta Provanza
Gonagorri ilustrazioa: Elena Odriozola
Edizio lanak: Maddi Orcajo
Atal guztiak Galtzagorri Elkartearen webgunean edo Spotify, Baleafunk eta Ivoox plataformetan entzungai.
