Galtzagorri Elkartea

Miren Agur Meabe Plaza

Lekeitio, 1962. Magisteritza eta Euskal Filologia ikasi, eta irakaskuntzan eta testuliburugintzan aritu zen hainbat urtetan. Helduentzat nahiz haur eta gazteentzat idazten du.

Kritikaren saria jaso zuen 2001ean eta 2011n Azalaren kodea eta Bitsa eskuetan poema-liburuengatik; eta Euskadi saria hiru aldiz Itsaslabarreko etxea (2002), Urtebete itsasargian (2006) eta Errepidea (2011) gazte-nobelei esker.

Halaber, Mila magnolia-lore albuma 2012ko IBBYren Ohorezko Zerrendan ageri da.

Bere azken lanak, Kristalezko begi bat nobelak, 2013ko Beterriko Liburua saria jaso du.

Han-hemengo literatura-topeketetan parte hartu du, hala nola Dublin Festival Writers-en 2003an, Vjlenicako XXI. Literatura Jaialdian (Eslovenia, 2006), Edimburgeko Liburu Jaian 2007an, Vienako Cervantes Institutuan (2008), Santa Bárbara eta Renoko Basques Studies Centres-en (2008), Frankfurteko Liburu Azokan (2009) eta Pabeko Deux Pennents Jardunaldietan (2012).

Ohorezko aitortzen artean, Lauaxeta saria (2007) eta Rosalia de Castro (2012) aipatu behar.

Bere testuetako batzuk hainbat hizkuntzatara eta braillera itzuli dituzte.

Euskaltzain urgazlea da 2006tik.

Tarteka, haur literaturako ipuinen itzulpenak egiten du, baita euskaraz irakurtzeko fikziozko narrazioak (ARIAN proeiktua, Elkar)

* Segurtasun arrazoiak direla medio, profesional honen datu pertsonalik ez duzu aurkituko web gune honetan. Hala ere, horiek eskuratu nahiko bazenitu Galtzagorrira dei dezakezu (Telf: 943471487) edota email bat igorri (galtzagorri@galtzagorri.eus) eta ahal dugun guztian lagunduko dizugu.

Vitoria-Gasteiz itzulpen saria, Alizia eta antzara jokoak, 2017, Gasteizko Udaleko Euskara Zerbitzua
Beterriko Liburua, Kristalezko begia, 2013, Manuel Larramendi Kultur Bazkuna
IBBYren Ohorezko zerrenda, MIla magnolia-lore, 2012, IBBY
Rosalía de Castro, Ibilbideari emandako saria, 2012, Galiziako Pen Cluba
Euskadi Saria, Errepidea, 2011, Eusko Jaurlaritza
Liburu Gaztea saria, Urtebete itsasargian, 2008, Galtzagorri Elkartea
Euskadi saria, Urtebete itsasargian, 2007, Eusko Jaurlaritza
Lauaxeta saria, Ibilbideari emandako ohorezko saria, 2007,
Euskadi Saria, Itsaslabarreko etxea, 2002, Eusko Jaurlaritza
Kritika saria, "Azalaren kodea" poema liburua, 2001,
Kritika Saria, Azalaren kodea, 2000,
Imajina ezazu Euskadi, "Ohar orokorra" poesia, 1997,
Lasarte-Oriako Udala, "Oi, hondarrezko emakaitz!" poesia, 1991, Lasarte-Oriako Udala