Galtzagorri Elkartea

Maribel Aiertza Rementeria

Maribel Aiertza Rementeria, 1962 urtean jaio zen Etxebarrian eta Berriatuan bizi da. Gaztetxotan hasi zen idazten eta lehiaketetan parte hartzen.

Idazkuntzako alor desberdinak ezagutzen ditu: Berriatuko Urepel aldizkaria sortu zuen eta erredaktore, maketatzaile eta koordinatzaile lanak egin zituen bertan; arte katalogoetarako zein turismo gidetarako testuak idazten ditu eta testu liburugintzan kolaboratzen du Ibaizabal argitaletxearekin.

Idazle Eskolan graduondokoa egin ondoren plazaratu zuen lehen fikziozko liburua Tigreak hondartzan eleberria (Elkar, 2010). Ondoren, haur eta gazteentzako lanak argitaratu ditu: Mara eta izar-saltzailea (Ibaizabal, 2012), Munstro bat edukiontzian (Elkar, 2014), Jauregiko sekretua (Ibaizabal, 2016) eta Armiarmak parapentean (Elkar, 2017).

* Segurtasun arrazoiak direla medio, profesional honen datu pertsonalik ez duzu aurkituko web gune honetan. Hala ere, horiek eskuratu nahiko bazenitu Galtzagorrira dei dezakezu (Telf: 943471487) edota email bat igorri (galtzagorri@galtzagorri.eus) eta ahal dugun guztian lagunduko dizugu.

Lehen saria. IV. Oihenart aforismoen lehiaketa, 2014, EHU eta Donostiako Udala
Bigarren saria. Txomin Agirre kontakizun lehiaketa, 1990, Ondarroako kultur etxea.
Lehen saria. III.Eusebio Erkiaga ipuin lehiaketa, 1990, Lekeitioko Udala
Euskadi saria Lertxundi euskaradun arte unibertsala saiakera liburuarekin., 1989,
Hirugarren saria. Ipuin lehiaketa., 1988, Ondarroako kultur etxea.
Lehen saria. Antzerki lan errezen sariketa (bakarrizketa), 1985, Ondarroako kultur etxea.
Lehen saria. Antzerki lan errezen sariketa (elkarrizketa), 1985, Ondarroako kultur etxea.
Aipamen saria. Gernikako narrazio lehiaketa., 1984,