Izenburua: Piripuinak: ipuinak eta mendiko ibilbideak
Idazlea: María Lombillo Sáinz
Ilustratzailea: Rakel García
Itzultzailea: Argiñe Areitio, Hector Ortega
Argitaletxea: Sua
Urtea: 2024
Orri kopurua: 168
Adina: 8tik gora
Laburpena:
Ipuinez lagundutako natur ibilbideen gida berezia da hau, Mendebaldeko eta Erdialdeko Pirinioetan barrena 33 ibilbide proposatzen dituena. Liburua bost ataletan banatuta dago, eta atal bakoitza ipuin batek abiatzen du. Ipuin horien protagonistak Pirinioetan bizi diren edo bizi izan diren animalia-espezieak dira: Camille hartz arrea, Linzo sarrioa, Pyrene eta baso-igela, Tozalgo sugandila eta Carlota marmota. Ipuinaren ondoren, animalia bakoitzaren fitxa agertzen da, datu esanguratsuekin, eta jarraian bailara bakoitzeko ibilbideak deskribatzen dira.
Ibilbide bakoitzak datu teknikoen koadroa, deskribapena, mapa, track digitala eta bideo labur bat eskaintzen ditu. Testua informazio praktikoarekin eta ingurunearekin lotutako kondaira eta bitxikeriekin aberastuta dago. Hitz gako batzuk kolore ezberdinez azpimarratuta daude, eta horien azalpen zehatzagoa ere eskaintzen da.
Diseinua zaindua eta bisuala da. Ilustrazio digital koloretsuak collage estiloan agertzen dira: ipuinetan orrialde bikoitzetan, animalia-fitxetan fondo zuriaren gainean eta ibilbideen atalean apaingarri gisa. Edukia antolatzeko modua erraza eta ulerterraza da, irakurlearen adin edo ezagutza-maila kontuan hartuta.