Izenburua: Itzel. Argia aurkitzeko bidaia
Idazlea: Donald Navas Zeledón
Ilustratzailea: Moi Escudero
Itzultzailea: Josune Aznarez
Argitaletxea: Denonartean
Urtea: 2024
Orri kopurua: 126
Adina: 10tik gora
Laburpena:
Itzel: argia aurkitzeko bidaia, fantasiazko gazte-eleberria da, euskal mitologiaren inguruan ardaztua. Protagonista Itzel da, hamar urteko neskatila ausarta, Gaueko izaki ilunaren menpe dagoen herrixka batean bizi dena. Herritarrek beldurrez eta isiltasunean dihardute, Gauekok Tartalo, Inguma, Gizotso eta iratxoen bidez ezarritako agintaritza zorrotzaren pean.
Itzelek, ordea, seinale misteriotsuak jasotzen ditu izaki magiko batzuengandik, eta amonaren laguntzaz, Mari —argiaren sortzailea— desagertu zeneko istorioa ezagutzen du. Argiaren bila abiatzeko bidaian galtzagorriak, Basajaunak eta Nekane eta Zigor anai-arrebak ditu bidelagun. Gaueko eta haren aliatuen aurka egin behar du, herrira argia itzultzeko.
Liburua 16 kapitulu laburretan egituratuta dago, kapitulu bakoitzak izenburu argigarria duelarik. Liburuan hainbat ilustrazio ageri dira, txuri-beltzean eta eskuz margotuta, istorioa kokatzen laguntzeko. Pertsonaia mitologiko nagusiak eta gertaera esanguratsuak irudikatzen dituzte, eta haritz hostoak elementu apaingarri gisa errepikatzen dira orrialdeetan zehar.