Izenburua: Eskuen dantza
Idazlea: Hervé Tullet
Ilustratzailea: Hervé Tullet
Itzultzailea: Aztiri itzulpen zerbitzuak
Argitaletxea: Ttarttalo
Urtea: 2024
Orri kopurua: 56
Adina: 2tik gora
Laburpena:
Irudiekin jolasteko jolas-liburua, jolasaren bidez parte-hartzea sustatzen duena. Gaia eskuen mugimendua da, eta horren bidez formekin eta koloreekin sortzen den interakzioa.
Liburuak ez du istorio lineal bat, baina badu egitura progresibo bat: hasierako orrialdeetan proposamen sinpleak ageri dira eta, pixkanaka, erritmoa eta intentsitatea handituz doaz, amaieran dantza baten antzera bukatzeko. Orrialde bakoitzak irakurleari ekintza bat proposatzen dio: eskuak jartzea, mugitzea edo formekin jolastea. Testuak proposamen horiek gidatzen ditu, eta irudiek —kolore bizi eta trazu espontaneoekin— dinamismo hori indartzen dute. Ilustrazioek forma geometrikoak, puntu eta marrak, kolore-blokeak eta tarteka eskuen irudiak erakusten dituzte, eta orrialde osoa betetzen dute hondo zurian. Testua eta irudia elkarrekin osatzen dira, bata bestearen osagarri direlarik.
Liburua ikusizko eta fisikoaren arteko jolas gisa garatzen da, eta esperientzia parte-hartzaile bat proposatzen du irakurlearentzat.