Izenburua: Egipton barrena: Piankhy, bidaia bat jakinduriara
Idazlea: Amparo Errandonea Rodríguez
Ilustratzailea: Amparo Errandonea Rodríguez
Itzultzailea: Danele Sarriugarte
Argitaletxea: Erein
Urtea: 2022
Orri kopurua: 56
Adina: 10tik gora
Laburpena:
Dibulgazio komikia da, fikziozko istorio bat baliatzen duena Antzinako Egiptori buruzko hainbat jakingarri agertzeko.
Jarrera informatiboa du baina, aldi berean, narrazio gisa aurkezten da benetako gertakari historiko batetik abiatuta, Piankhy, Tutmes eta Neferu izeneko pertsonaien eskutik. Izan ere, Egiptoko historiako lehen errege beltza izan zen Piankhyren pasarte bat kontatzen du liburuak, hau asmatutakoa bada ere. Beraz, istorioa benetakoa ez bada ere, alderdi historiko erreal bat ezagutzera ematea du helburu, Egiptoko zibilizazioaren datu eta informazio esanguratsua emateaz gain.
Ilustrazioak ordenagailuz eginiko irudiak dira, eta komikietan egin ohi den moduan, biñeta formatuan aurkeztuak. “Emotikono” itxura duten pertsonaiak irudikatzen dira, aurpegiko espresiorik apenas dutenak; kolore argiak eta degradatuak dira nagusi ia irudi guztietan. Komikia izanik, eta gainera liburu informatibo kutsua edukirik, irudiek berebiziko garrantzia dute liburua irakurtzeko orduan.