Izenburua: Baina nora joan ote da aitona?
Idazlea: Silvia Sommariva
Ilustratzailea: Giuditta Gaviraghi
Itzultzailea: Fernando Rey Escalera
Argitaletxea: Picarona
Urtea: 2021
Orri kopurua: 48
Adina: 4tik gora
Laburpena:
Ipuin ilustratu honek aiton-amonen heriotzaz hitz egiten du, jarrera hezitzailearekin.
Xabier kezkatuta dago aitona Eusebio ez delako azkenaldian bere bila joaten eskolara. Amak aitonak alde egin behar izan duela kontatzen dionean, gogoratzen du aitona Eusebiok aspaldi kontatu zion sekretu bat: Halako batean aiton-amonei postaz hegazkin-bidaia baterako txartela iristen omen zaie, eta agudo joan behar izaten omen dute hiri misteriotsu batera. Une hori iristen denean joan beharra dago. Hiri horretan aiton-amonak zoragarri bizi omen dira, nahi duten guztia egiten. Ezin dute itzuli, ezta telefonoz deitu ere, baina urrutitik maite dituztenak ikusteko aukera dute, eta haiekin berriro elkartu haiek ere hiri misteriotsura joaten direnean.
Letra larriz idatzitako testuari, hark diona erreproduzitzen duten irudi infantilak laguntzen diote. Gehienetan, orrialde bikoitz bakoitzean, alde batean orrialde osoa hartzen duen irudia dago, eta bestaldean testua eta irudi apaingarri bat.