Izenburua: 19. ardia
Idazlea: Blanca Lacasa
Ilustratzailea: Jorge Martín
Itzultzailea: Maialen Mujika
Argitaletxea: Nubeocho
Urtea: 2024
Bilduma: Somos8
Orri kopurua: 36
Adina: 6tik gora
Laburpena:
Loak hartzeko zailtasunak dituen amonatxoak gauero ardiak zenbatzen ditu, hesi batetik salto egiten duten heinean. Beti 18. ardiraino iristen denean lozorroan erortzen da, eta, hortaz, 19. ardia beti geratzen da salto egiteko gogo biziz, baina aukerarik gabe. Egoera horren aurrean, ardia bere kasa hainbat estrategia asmatu eta gauzatzen saiatzen da hesia igarotzeko; halere, ahaleginak alferrikakoak izanik, artaldea antolatzea eta ziklo hori apurtzeko ekintza kolektibo eta sortzaileetan murgiltzea erabakitzen du.
Album ilustratu honek talde-lanaren indarra, elkartasunaren balioa eta helburu baten aldeko etengabeko ahalegina jorratzen ditu gai nagusi gisa. Bigarren planoan, zenbakikuntzaren inguruko kontzeptu matematikoak ere ageri dira —hala nola ordena eta zenbakien erabilera—, modu naturalean integratuta. Tonua arina eta bizia da, umore ukituz lagundua. Testuak egitura sinple eta ulerterraza du, esaldi laburrez osatua. Ilustrazioek narrazioaren kutsu umoretsua areagotzen dute: espresiboak dira eta artaldeko ardi bakoitzaren ezaugarri bereizgarriak modu xelebrean azpimarratzen dituzte.