Izenburua: Animatopeiak
Idazleak: Ronny Ruiz MateoIlustratzailea: María Pascual de la Torre
Itzultzailea: Juan Kruz Igerabide Sarasola
Argitaletxea: Alberdania- Ekaré
Urtea: 2025
Orri kopurua: 16
Adina: 4tik gora
Laburpena:
Ikasketa jolas-koaderno honen gaia animalien onomatopeiak dira. Tonu alaikoa da, eta egileek animalien ilustrazio eta onomatopeiekin jolasten jartzen dute irakurlea.
Hasieran bi animalia desberdinen marrazkiak eta bere marru, zaunka edo abarreko soinuekin aurkezten dira, eta hurrengo orrialdean, aurrekoen marrazki eta soinuak nahastuz, animalia eta soinu berriak asmatzen dira.
Ilustrazioak ezinbestekoak dira, hitzekin egiten den jolas berdina ere egiten delako marrazkiekin. Hondo zuriko orrietan dautza marrazki koloretsu, figuratibo eta naturalistak, koloretako arkatz eta errotulagailuekin eginak diruditenak. Azken animalia pareak, herensugeak eta gizakiak nahastuta sortzen denak, borobildu egiten du proposamena.