Prest dugu IKUSI MIKUSI Festibalaren seigarren edizioa. Urriaren 9an eta 10ean egingo dugu eta beti bezala Sarako herri osoa hartuko du. Gaia hauxe izango da: “ZERK IRRIARAZTEN ZAITU?”. Urriaren 9an, ostiralean, aurrekoetan bezala, Eskolaren Eguna izango da eta ikastetxeek izena eman dezakete maiatzaren 26ko goizeko 8:00etatik aurrera.

Hemen eman beharreko pausuak:

1. ETAPA – IKASTETXEAREN IZEN-EMATEA

Izena emateko garaian ikuskizun batean izena ematea derrigorrezkoa da: 6€ / ikasleka.

• Loturik den txosten didaktikoa ongi irakurri eta ikuskizuna hautatu.
• Izena eman HelloAsso plataforman maiatzaren 26tik (asteartea) aitzina, ikasle kopurua zehaztuz eta ordainketa zuzenean bertan eginez.
• Webgunea (HelloAsso): https://www.helloasso.com/associations/mari-gorri

2. ETAPA - GAINERAKO ANIMAZIOEN IZEN-EMATEA

Behin 1.000 ikasleko muga beteta, tailerren izen-emateak irekiko ditugu. Ekintza horiek dohainik izanen dira, baina izen-ematea derrigorrezkoa izanen da.

Lekuak mugatuak dira, beraz, animatu eta ahalik eta azkarren eman izena!