Ikasturte hasieran, egitasmoan izena eman duten bitartekarientzako lau orduko formakuntza lantegi bat eskainiko dugu Galtzagorri elkartetik. Bertan, aditua den formatzaile baten eta egitasmoaren koordinatzailearen eskutik, egitasmoaren nondik norakoak ezagutuko ditugu, esperientziak partekatzeko espazioa zabalduko dugu, ikus-entzunezkoen lengoaiaren ertzak ezagutuko ditugu eta ikasleak sorkuntza prozesuan laguntzeko gakoez arituko gara.