Izenburua: Oihana
Idazlea: Marina Gibert
Ilustratzailea: Marina Gibert
Argitaletxea: Pamiela-Kalandraka
Urtea: 2021
Orri kopurua: 36
Adina: 4tik gora
Laburpena:
Hitzik gabeko album ilustratu honek kolore biziz beteriko oihanean murgiltzen gaitu, haur txiki baten arrastoan. Liburua ireki baino lehen hasten da irakurketa. Bertan haur bat, irakurleari begira, oihanean murgildurik.
Babes orrietan bidearen hasiera, haurrak irudikatzen duen txikitasuna eta oihanaren handitasuna. Orriz orri aurrera egin ahala, oihanak eskaintzen dizkigun kolore eta forma ugaritan egiten da bidea. Berehala konturatuko gara jolas bat dagoela, orrialde batean gauza bat dirudiena, hurrengoan beste zerbait dela. Eta ezusteko handiena bukaeran du bideak. Bukaerako babes orrietan bukatzen da kontakizuna.
Irakurketa maila ezberdinak eskaintzen dituen albuma da. Ilustrazioak orrialde bikoitzetan zabaltzen dira kolore eremu zabalak, biziak, eskainiz. Forma sinpleekin eta bereziki koloreen indarrarekin kontakizun ederra eraikitzen du egileak.
Nazioarteko XIV. Compostela Saria.
Imanol Merceroren kritika Berrian