Izenburua: Hartzaño eskolara doa
Idazlea: Alain Broutin
Ilustratzailea: Frédéric Stehr
Itzultzailea: Txomin Elosegi
Argitaletxea: IKAS pedagogia zerbitzua
Urtea: 2021
Orri kopurua: 28
Adina: 4tik gora
Laburpena:
Animaliak dira ipuin ilustratu honetako pertsonaiak, eta hartz gaztetxo bat protagonista nagusia, Hartzaño. Tonu bukoliko nabarmenaren bidez, autoreak erakusten digu eskolara joan gabe zenbat gauza ikas daitezkeen lagun atseginen bitartez. Halaxe suertatu zaio Hartzañori eskolako bidean, lagun ugari aurkitu ditu, batzuk agurtu baino ez ditu egin, eta beste batzuekin zeregin desberdinetan aritu da: margolan bat egin du, orea prestatu du, eta zikindu ondoren garbitzea zein atsegina den ikasi du; hain juxtu egun horretan eskolan ikasi behar zituenak. Narrazioak badu irakaspen tonua umorearen bidez gauzatzen dena. Ilustrazioetan animaliak basoan agertzen dira, baina gizakien portaerak eta egunerokoak egiten dituzte; ilustrazioen bidez nolabaiteko baso lasai eta baketsua iradokitzen zaigu eta testuaren tonu orokorrarekin bat datoz.