Izenburua: Daniela pirata eta Sofronisa sorgina
Idazlea: Susanna Isern
Ilustratzailea: Gómez
Itzultzailea: Maialen Mujika
Argitaletxea: Nubeocho
Urtea: 2021
Bilduma: Egalité
Orri kopurua: 44
Adina: 6tik gora
Laburpena:
Daniela pirataren bildumako hirugarren abentura da. Arazoei aurre egitea norberaren esku dagoela erakusten dute, tonu baikor eta umoretsuan.
Sofronisa sorginak ezin du inor pozik ikusi, horregatik kristalezko bolan ikusten duen edonoren zoriona zapuzten saiatzen da. Daniela pirata eta bere tripulazioaren poztasunak arreta piztuta, erasora joko du: sorginkerien bidez haizeak altxorraren mapa galtzea lortuko du, itsasontziko belak zulatzea, eta itsaspeko arroka batekin enkailatzea ontzia. Danielak ezbehar horien jatorria ezagutzen duelarik, aurre egiten dio Sofronisari, eta haren jokabidearen zergatia ezagutzean, tripulazioarekin bat egiteko gonbidapena luzatuko dio piratak.
Ilustrazioak bederatzi orrialde bikoitzetan eta hogei orrialde bakunetan banatzen dira. Irudiak freskoak dira, umorez eta kolorez beteak, detailez jositako pertsonaia eta eszenatoki ugariek testuak esaten duenarekin bat egiten dute.