Izenburua: Bremengo musikariak
Idazlea: Natalia Colombo
Ilustratzailea: Natalia Colombo
Itzultzailea: Ane Sedano
Argitaletxea: SM ikasmina
Urtea: 2021
Bilduma: Nire lehen ipuin klasikoak
Orri kopurua: 20
Adina: 4tik gora
Laburpena:
Ipuin klasiko ilustratu bat dugu hau, norbanakoarekiko maitasunaz eta taldearen indarraz ari zaiguna, tonu oso baikorrean.
Astoak Bremenen musikari izateko ametsa du, eta baserritarrak paretik kendu nahi duenez, badoa. Bidean topatzen ditu bere modu bertsuan dauden txakurra, katua eta oiloa, eta elkarrekin Bremenerako bidea hartzen dute. Basoan etxe bat ikusten dute gaua pasatzeko aproposa dirudiena, eta hurbiltzean lapurrak daudela konturatzen dira. Haiek uxatu eta bertan gelditzen dira, jan eta lo. Gauean lapur bat hurbiltzen zaie. Denen artean egindako ostiko, hozka, atzamarka eta kantuen bidez bidali egiten dute. Jipoia jasotako lapurrak bere kideei etxea sorginduta dagoela esaten die. Hortik aurrera lau animaliak etxe hartan gelditzen dira, poz pozik.
Ilustrazioz betetako orri bikoetan dago planteatua liburua. Irudiak forma borobildu eta kolore pastelekin osatu dira.